Á ég nokkuð að vera að blogga lengur?

Já... ég er að segja ykkur það, lífið er yndislegt! Ef þið hafið ekki gert ykkur grein fyrir því - þá er stundin runnin upp....  Ok - nú er það komið á hreint, flott er.

Ef þið viljið vita eitthvað hvað er að ské í mínu lífi - þá skuluð þið lesa áfram,  en ef þið hafið ekki áhuga á því að vita hvað er að ské hér - þá er best að stoppa bara að lesa og ekki seinna en strax  - takk fyrir.

Þessi póstur er tileinkaður mömmu minni  - ég elska hana.  Hún sagðist lofa að kommenta hjá mér ef ég myndi blogga, jess... ég er svo heppin! Hún telur mig endanlega flutta að heiman eftir að ég breytti lögheimilinu mínu á þessu ári - hún saknar mín sárt- ég bara veit það - finn það í hjartanu mínu!  Gubbum nú saman af vænmi og ég skal skrifa eitthvað aðeins minna væmið í framhaldinu.  



Nú er 2. ári í sálfræðinni lokið og ég er svaka fegin að sumarið sé að líta við - frábært veður og góðir vinir - ekki hægt að hafa það betra.  Ég var að vinna á íslenskum veitingastað núna í vor og maturinn þar er svakalega góður - skora á ykkur að prófa - Saffran heitir hann og er í Glæsibæ.
Eins og þruma úr heiðskýru lofti var mér óvænt boðin sumarvinna á skammtímavistun fyrir fólk á aldrinum 15-35 ára sem er með ýmsa þroskaskerðingu, t.d. down syndrome, framheilalömun (CP), greindarskerðingu, einhverfu, áráttu- og þráhyggju og bipolar (geðhvarfasýki) og t.d. fjölfötlun. Þetta er allt yndilsegt fólk og virkilega gefandi og gaman að vinna með þeim. Markmið okkar er að fá þau til að taka ábyrgð á eigin gjörðum og kenna þeim athafnir sem flestum þykja eðlilegar eins og að t.d. bursta tennur vel, ganga vel um og vera snyrtilegur. 

Ég var svona líka nautheppin að ég kynntist yndislegasta strák sem hugsast getur núna á þessu ári og hugir okkar féllu saman - við munum giftast í næsta mánuði og er lesendum boðið til veislu.... nei - reyndar ekki alveg. 
En hann Óli minn er sko ekki venjulegur strákur - hann er einstakur þessi elska! Með honum líður mér yndislega og ég gæti ekki verið ánægðari - bara svo þið vitið það En ég man það núna að ég ætlaði ekki að vera væmin...





Við erum semsagt að fara til Vopnafjarðar um Hvítasunnu í fermingu og hitta skildfólk og fara á sleða og hafa gaman - held það verði alveg geggjað! 
Hokkí er ekki æft á sumrin þannig að það er pása núna í því en lokahóf Bjarnarins er á morgun og þar verður maður sennilegast húrrandi fullur og vitlaus (íþróttamannslega eðlið í mér að drepa mig) Sæææll...



Sumarstemmarinn er sá sami og síðasta sumar - Boot Camp sumar þetta árið líka! vá ég elska Boot Camp...! 

En held að þetta sé orðið gott í bili - millibili...




Með bros á vör og hlýju í hjarta,
ég heilsa ykkur öllum og bið.
Að eigi þið fallega sumarnótt bjarta,
og siglið á rólegu heimsins mið.

Elva Hjálmarsdóttir. 

Þessi mynd lennti á vitlausum stað - en þetta er ágætis inngangsmynd!
Þetta eru 2x Elva í innflutningspartýinu - þarna var sko komið stöööð í liðið og allir að dansa! Þessi mynd heitir: I Believe I Can Fly.

En hvað um það....

Wie gehts? Mir geht es gut....
Ich Liebe dich nicht.... aber Ich habe Hunger...... heheh.... þetta er það eina sem situr eftir hjá mér síðan í þýskutíma forðum daga... hehe

En það er kannski kominn tími á að maður láti aðeins vita af sér...
Skólaleiðinn hefur gert vart við sig en þrjóskan í þeirri gömlu lætur hana streða og halda áfram... öllum verkefnum hefur verið skilað og komandi verkefnum verður skilað - mér finnst eins og leiðinn sé að dvína... já það er einhver slík tilfinning í gangi - sem er bara gott...!

Leiði á ís hefur ekki gert vart við sig og vona að hann muni ekki gera það Við erum að fara að spila síðustu tvo leikina okkar helgina þarna kringum 4. apríl nk... þá er að duga eða drepast - við eigum enn möguleika á titlinum og getum náð honum heim, en lið Akureyringa er nokkuð sterkt og eins og er hafa þær yfirhöndina!

Lífið í Mávahlíðinni er ljúft... hver sem kemur hingað inn hrósar íbúðinni og trúir varla að tvær stelpur í Háskóla búi hér ... en það er lúxus á okkur Hjöddu... hehe!!!
Við búum á 3. hæð og enginn annar býr í stigaganginum okkar (þetta er samt ekki blokk).. og á neðstu hæðinni er BÚÐ!!!     Það er sko baaaaara sweet! Það tekur mig ca 5 sec að labba í búðina ef mig vantar mjólk á Cheeriosið eða grænmetiskraft í matinn..!

Við spússurnar héldum innflutningspartý um daginn og það var rosalega skemmtilegt, kom alveg helling af fólki... kjellingin við hliðina á okkur er ekki í djammgallanum á laugardögum og er með eitthvað fast upp í rassgatinu á sér, þannig að henni líður eitthvað illa og getur ekki samgleðst öðrum... 
Svo hélt ég annað partý um daginn  -  og löggan leit við - vegna hávaða var kvartað undan okkur (kjellingin ekki enn búin að ná þessu út úr rassgatinu á sér)....

Smá vottur af gleði í innflutningspartýinu góða:




Myndirnar eru í vitlausri röð.... þannig að við byrjum á því sem var seint um nótt...



Ég á bestu vinkonur í heimi (vantar eitthvað af þeim samt þarna) :-)




Tóbakið bjargaði okkur alveg :-)



Merete og Helena voru hressar og tjúttuðu lengi!



Strákarnir ræddu eitthvað duló sín á milli...



Herdís og gamla - gleraugun klikkuðu ekki!



Jóhanna og Herdís!



Þessum fannst bjórinn góður!



Ein ólétt og 3 full!




Og svo kveðjum við úr Mávahlíðinni með mynd af mér og Merete sem er yyyyndisleg vinkona af guðs náð!!!

Takk fyrir partýið öll :-)

nennir einhver að koma enn inná þessa síðu....????
Ja ekki ég.....

En mér sýnist það að það séu nú greinilega einhverjir að hnýsast í manns mál.... hehe..!

En hvað um það - þá er hér slúður um mig:

- Ég komst í gegnum fyrstu önnina á öðru árinu með ágætum....
- Ég hætti í þessu svaka sambandi sem ég var í... single again....
- Ég er núna á annari önninni á öðru árinu og nenni ekki að læra... en geri það samt...
- Mér gengur vel í íshokkí og er t.d. að fara í æfingabúðir með landsliðinu næstu helgi....
- Amma mín, Steindóra heitin (amma dreki) kvaddi þennan heim síðasta föstudag og útför hennar verður næst komandi laugardag... Ég fékk að vera með henni á dánarstund hennar og það var sérstakasta tilfinning sem ég hef upplifað...
- Ég er að fara að vinna á hollustuveitingastað í Glæsibæ sem mun opna í febrúar og ég hlakka geggjað til að byrja....
- Ég og Hjördís vinkona búum nú saman í Hlíðunum og líkar rosalega vel... geggjað að vera komin með íbúð sem maður getur nú loksins boðið fólki í heimsókn....
-Ég er að fara á æfingu í fyrramálið klukkan 06:00 þannig að ég ætti að fara að koma mér í háttinn...

Ég nenni ekki að skrifa meira....enda var þetta bara smá slúður.... býst ekki við að nokkur kommenti - enda ætlast ég ekki til þess! Eeeeen svona til gamans þá væri skemmtilegt að sjá hverjir væru að kíkja hingað inn - og líka þeir sem ég þekki ekkert mikið - að kommenta og skrifa bara hvaðan maður er (dæmi: Vopnfirðingur eða Reykvíkingur) og hvað maður er gamall (25 ára eða 66 ára).... ekkert kyn :-)

Prufið þetta nú fyrir mig - eyðið 10 sekúndum af ykkar lífi í að skemmta mér fyrst að ég var að setja svona skuggalega heita færslu inn á vefinn!

Kv. Elva - það er ekki æfingin sem skapar meistarann - heldur aukaæfingin!

til að finna sér tíma í að skrifa blogg..... á degi fyrsta lokaprófsins míns og um tveir tímar þangað til það hefst og mun það standa í 3 tíma.... eins gott að vera ekki styrður í höndunum núna maður.....

Eftir prófið hjá mér er síðan hokkíleikur á móti SA.... sjett hvað við erum að fara að taka þetta í dag.... en á undan leiknum er stuttur leikur fyrir byrjendur, það verður gaman að sjá hvar maður stendur sig í samanburði við þá!

Á morgun fer ég síðan til Egilsstaða og hitti kærastann minn!!! OMG, eruð þið að trúa þessu? Hélt að það kæmi bara aldrei að þessum degi Við ætlum að hafa það notalegt á morgun uppá héraði en svo ætlum við að brumma til Vopna og þá loksins er ég komin heim, já HEIM!!!! Ætlum kannski að kíkja í sund og líta við á hestana, það verður sko bara gaman!!!

Ég er búin með einn áfanga núna, hann kallast foreldraþjálfun og ekkert lokapróf var í honum og nú bíð ég bara spennt eftir lokaeinkunn því að ég er búin að skila inn lokaskýrslunni fyrir áfangann!!

Svo er það Tölfræðin, hún er í dag, sjæsa!

Svo er það próffræði, er hræddust við hana, vona að allt gangi nú samt upp, já er það ekki?

En Skyn- og hugfræði A, í verklegum hluta í henni var ég næst hæðst með einkunn uppá 9.75 ekkert smá stolt af mér í því, en svo er bóklegt lokapróf og ég vona að það verði bara ágætt þegar maður verður búinn að lesa helling undir það, en það geri ég á Vopna, tek lokaprófið í Kaupvangi

Drög að stundatöflum eru komin, og stundataflan hljómar uppá FRÍ Á FÖSTUDÖGUM. Hversu guðdómlegt verður það....

Hokkíið gengur framar vonum og ég stefni hátt..... ég skal ég skal.... Þjálfarinn minn var sóssum ekkert parhrifinn af því að ég ætlaði að fara að vera heima hjá mér í næstum mánuð og ekkert að spila hokkí... enda er það sóssum rétt, þannig að hann lét mig hafa pekki og skipaði mér að fara með kylfuna heim og æfa mig! Kenndi mér helling af æfingum sem ég átti að gera heima á spónplötu með kylfuna og pökk, það verður gaman að sjá hvernig það mun ganga 

Skólinn hefur gengið bara vel en guð hvað mig hlakkar til að komast í frí!!!

Nú skal haldið í lokapróf í Tölfræði III, aldrei aftur Tölfræði í BA náminu, jeiii....
Lifið heil og lifið lengi!!!!

Mottóið mitt er:
Það er ekki æfingin sem skapar meistarann - heldur aukaæfingin!!!

Elva þrastarungi.

Halló öll sömul :-)
Ég ætla að hafa þetta innlegg bara stutt í dag því að ég á að fara í tíma klukkan eitt..... ég er semsagt að fara norður til Akureyrar klukkan 4 í dag með þremur öðrum stelpum úr liðinu og það verður pottþétt BARA stuð á okkur á leiðinni til Akureyrar!!! Jeiiiii.....
Ég hlakka svoooo mikið til að hitta múttu.... pabbi kemst ekki- hann er víst að fara að spila eitthvað gigg um helgina.... issssss mér finnst nú að hann hefði frekar átt að velja það að koma og hitta mig... uppáhaldsbarnið sitt... hehe.....
Karítas elskan verður líka á Ak og Magni og Ester og Aníta og Malen.... það verður ótrúlega gaman að fá að knúsa litlu krútturnar þeirra..!!!
Það er leikur hjá okkur á föstudaginn klukkan 10 um kvöldið og svo klukkan 6 á laugardeginum, guð hvað ég ætla innilega að vona að við vinnum.... unnum allavega fyrsta leikinn 6-1 :-)
Ég fæ að vera í 1. línu og mér finnst það frábær heiður, er ekkert smá stolt af mér :-) Það er búið að ganga vonum framar að æfa og alltaf einhverjar framfarir þannig að þetta lofar góðu!!!

Ég mun gista hjá honum Steina mínum og æta að knúsa Heiðar Magna alveg eins mikið og ég get... hlakka ekkert smá til að fá að líta hann berum augum.... og svo líka tvíbbana hennar Hörpu systur mömmu. :-)

Það verður svo hrekkjavökupartý um helgina á AK sem ég ætla mér að fara í :-) Leyndó hvaða búning ég verð í en ég mun reyna að setja inn myndir af ferðinni um leið og ég get...

Skólinn gengur ótrúlega vel og ég komst af staða þrátt fyrir litla tilhlökkun til skólans í byrjun annar.... nú er önnin bara að verða búin - trúi því varla... vá....

En lífið í gettóinu gengur líka bara vel og allir ánægðir held ég....
vá hvað þetta var leiðinlegt blogg.... ég fæ bara gubbuna við að horfa á það... endilega segðu mér hvort að þú gubbir líka yfir því... það yrði svooo skiljanlegt...!

En best að peppa sig upp í Akureyrarferð og svo leikur á morgun.... sjiiiii!!!! Spenna spenna spenna!!!!!! Aaaaaaaaaaa!!!!!!!!

Elvan out.....

Já sæl verið þið öll - hlítur að mega segja öll - einn daginn var gestagangur 111 á einum degi en ekki eitt einasta komment..... iss piss.... segi ég nú bara!!! Hverjir nenna eiginlega að skoða þetta bull segi ég núa bara...

Mikið búið að ganga á síðustu vikur - skólinn á kreisí, æfingar á kreisí og ég orðin kreisí...

Langaði að setja nokkrar skemmtilegar myndir hérna inn, sem mér þykir ótrúlega vænt um og helga ég þetta blogg einni af mínum bestu vinkonum - Þórey Huld Jónsdóttur! Við kynntumst þegar við báðar byrjuðum á fyrsta árinu í sálfræðinni, sem var í fyrra! Kynntumst á fyrsta degi og höfum varla slytist frá hvor annarri síðan!


Getum verið sætar og stilltar....




Og ótrúlega prúðar!





En líka alveg ótrúlega ljótar!





Uuuuu já....





Hehehe....





Heheh.... þessi ef bara fyndin!





Sætu sætu :-)



Eitthvað að prufa....

Og þar með líkur þessari myndasýningu, vona að ykkur hafi líka fundist þetta fyndnar myndir!! hehhe.....

Takk fyrir þetta,
og endum á einni skondri:

Haaaaaaaaaaalló!
Hver er sest við tölvuna, tilbúin í skrifin?       ÉG

Þá er skólinn hafinn að nýju og annað árið í Háskólanum komið á fullt skrið. Strax búið að setja manni heilu kaflana fyrir og það er ekki alveg að gera sig hjá fólki sem er ekki alveg nógu mikið með hugann við efnið, þá er ég þó ekki að tala um sjálfa mig *HÓST*

Boot Campið er á enda og við eru teknar strangar æfingar með Birninum í íshokkýinu. Það er alveg suddalega gaman að spila þessa íþrótt og ég get ekki beðið eftir að fá að spila fyrsta leikinn, sjiiiiiiiitturinn hvað það verður gaman...... ætli ég verði þá ekki eins og belja á svelli.... sennilega, en ég er viss um að ég verði líka eins og naut sem sér rautt, held að það sé ekki hægt að vera með mikið meira keppnisskap heldur en ég er með og mikið hlakkar mig til að fara að tuddast á ísnum...... það er bara ég.....

Sumarið var yndislegt - þá meina ég YNDISLEGT Þetta var bara eitt það skemmtilegasta sumar sem ég hef upplifað. Ég vann náttúrulega hjá ÍTR eins og flestir vita við að pasa gamla fólkið í Breiddulaug og rassskella konurnar sem ekki þvoðu sér með sápu í sturtunum... hehe, kannski ekki alveg satt Ég verð eitthvað að vinna í lauginni í vetur með skólanum, líkaði mjög vel að vinna þarna.
En aðeins meira um sumarið..... held að ég hafi tekið mér 2-3 helgar í frí frá áfengi í allt sumar, þetta var svokölluð drykkjuveisla hjá okkur frúnum í Vesturberginu í allt sumar, og það var ávallt gaman hjá okkur, hverja einustu helgi.....

Núna fyrir rúmum hálfum mánuði skellti ég mér til Rhodos með Herdísi vinkonu minni og það var alveg meiri háttar snilldar ferð! Mamma hennar fór með og systur hennar tvær, allar algerir snillingar....
Þar var drukkið fimm kvöld af sjö og legið í sólbaði, farið í vatnsleikjagarð, verslað, farið í smálest, étið, kúkað, og svo kynntumst við helling af liði þarna, 99% þeirra voru karlmenn, hehehehe.....

En það er allt gott að frétta af mér, eitthvað að gerast í strákamálunum, en veit ekki nákvæmlega hvað og sambúðin gengur ávallt vel með Beggu minni og allt gott að frétta líka að heiman, Vopna...... þannig að lífið er yndislegt eins og segir til í nýja þjóðhátíðarlaginu.....

Talandi um lag.... þá samdi ég og vinkona mín alveg snilldar texta við lagið ,,Álfheiður Björk" sem mig langar að deila með ykkur.... við erum jú nöllar þannig að það er ekki víst að allir fynnist við fyndnar, en okkur fannst þetta mjög fyndið hjá okkur og höfum sungið þetta hástöfum, ekki síst þegar nýr borgarstjóri tók við ríkjum, Hanna Birna.
(Vona að þið fattið kaldhæðnina þarna)
Njótið og lifið heil.... 

 

Ólafur F

Ólafur F.,
ég elska þig,
en Hanna Birna,
má bíta í sig.

Ég veit önnur mær,
ei ást þína fær.
Hvað get ég gert?
Hvað get ég sagt?

Þú mátt ekki láta Hönnu Birnu,
sem að veitti mótspyrnu,
svíkja þig.
Þú máttir- ekki falla í D-hendur,
oft sá flokkur svikull stendur,
ó hlustað-á mig,
því ég elska þig Ólafur F.

Ólafur F.,
við erum eitt.
Ást niðrá kleppi,
þar var svo heitt.

Ólafur F.,
ég elska þig,
borgin er einskins,
virði án þín.

Þú mátt ekki láta Óskar-inn,
sem að ætti að stinga inn,
glepja þig.
Þú mátt ekki falla í hans hendur,
oft hann völtum fótum stendur,
ó hlustað-á mig,
því ég elska þig Ólafur F.

 
Texti: Bilbó og H.P.
Lag: Eyjólfur Kristjánsson.

Elvis gamla kveður í bili,

Sælar elskurnar mínar - og þið sem eruð ekki elskurnar mínar!

Það er aldeilis nóg búið að vera að gera hjá mér í sumar þannig að það er frá nógu að segja - en vandamálið er að ég nenni ekki að segja frá því Búið er að ganga á ýmsu og það er aðallega af því skemmtilega, en auðvitað slæðist inn á milli eitthvað sem er ekki eins skemmtilegt en það er þó enn í minnihluta.

Fór á Vopna um Vopnafjarðardaga og þar var rosalega skemmtilegt - ekki mikið að gera en þó alveg nóg. Fór t.d. á hestbak sem var alveg yndislegt, keppti í strandfótbolta og liðið mitt ,,Lu-Drull" endaði í 2. sæti, knúsaði frændsystkin mín endalaust, var boðið í afmæli, drakk föstudag og laugardag, hitti ömmurnar mínar, hitti Steina og Óbó og bara endalaus gleði. 

Ég og Berglind búum enn saman og gæti ekki gengið betur hjá okkur, nema það að nú er karlmaður kominn í spilið á hægri kanntinum þannig að hann hefur fengið að gista í vinnuherberginu bara, skilst að þau parið spili svo vist á kvöldin, en mér er sóssum boðið að vera með í því, það er ágætt  Nú er ég að bulla....

Ég er ekki komin með kall en held leitinni áfram, vitiði hvar maðurinn er sem er ætlaður mér?  Ég hef ekki fundið hann, kannski er hann ekki fæddur enn....

Fór í útilegu á Selfoss um daginn með elskunni minni og frú - Berglindi Ósk Bárðardóttur - og það var náttla bara gaman eins og okkur einum er lagið. Ætluðum í lítinn göngutúr í dúnúlpunum okkar um kvöldið en enduðum sveittar á dansgólfi 800 bar fram á nótt. Bara snilld

Boot Campið klárast í byrjun sept en er byrjuð í Hokký þannig að ég er að missa mig í gleðinni og sportinu! Elska báðar þessar íþróttir!!!!!! Fótbolti - hvað er það nú eiginlega??

Eitt er samt ekki gott - hitti Þórey mína sama og ekki neitt...... Engum að kenna sóssum - bara mikið að gera frá báðum áttum - er það ekki elskan?


Nú er ég búin að fá nóg af því að blogga, fór á Boot Camp æfingu klukkan fimm í dag og svo á Hokký æfingu klukkan átta þannig að ég er sveitt núna og er að spá í að skella mér í sturtu!

Hér koma einhverjar myndir sem ég tók af speisinu mínu:



 
Gamla kjellan að pósa fyrir frægan ljósmyndara á Íslandi - ekki gefið upp hvað hann heitir en þið sjáið það augljóslega að þetta er pro mynd, er það ekki?




Ein eldri og heldri! Því að hún er af mér og stubbnum mínum sem ég eyði rosa miklum tíma með og þykir það endalaust gaman! Búin að vera frábær sambýlingur!



Hér erum við komnar í annan pakka - þegar drukkið er í Vesturberginu er ekkert verið að taka létt á því.... Ingibjörg stuðbolti og Elva fáviti að stíga á stokk eins og þeim einum er lagið.... þær tóku samt ekki lagið - þökkum fyrir það (Allavega hefði ég ekki boðið í það að einhver hefði heyrt mig syngja) hehe... en haldarinn á að vera svona - til að fyrirbyggja allan misskilning.... maður fær svo í hálsinn á því að hafa hann yfir hálsinn að á meðan við vorum heima var gellunum bara sleppt lausum.....hehehe.......



Berglind hékk upp í lofti þannig að það var ekki skrítið að ég hafi litið upp í loft og sett upp þennan skelfda svip.... hún komst þó heil niður.... allavega líkamlega...






Þetta voru afleiðingar landsmóts 2008 - áhættuatriði í fótbolta - endaði ekki vel..... en var sóssum ekki lengi að lagast! Mjög gaman á landsmóti og ég klárlega aftur þangað þegar það verður haldið á Vindheimamelum 2010! Þú kemur með!




Þetta er nýja tattoo-ið mitt, hvernig lýst þér á það?




Svo er gamla hérna - með klippinguna stuttu...... og NIKITA jakkan sem mútta og pápi gáfu mér í afmælisgjöf! Og í jakkanum kveð ég í bili!

You better kvitt or I´ll be like a tiger!
Íslandssól!

Halló litlu gríslingarnir mínir.... haldiði að kjellan sé ekki mætt. Það virðist vera orðin svona hefð hjá mér að koma hérna inn á þriggja ára fresti og drita niður bloggi.... það hljóta allir að vera hættir að skoða og koma hingað inn, ég er svo skelfilega óvirk í þessu eitthvað..... ég er virkari á öðrum sviðum.... hóst! Túlkið þetta bara eins og ykkur langar!

En allavega, þá komst ég áfram í sálfræðinni, hjúkket maður.... var með vegna meðaleinkunn upp á 6 sem er drullu skít sæmilegt - ekkert meira en það... Ég fékk semsagt 7 í Greiningu og mótun, 6 í Aðferðafræði, 6 í Lífeðlislegri sálfræði og svo 5.5 í Tölfræði II (sem að mér fannst ganga best í).... isss......

Svo er ég á fullu í Bootinu og það er farinn að koma smá árangur... sem betur fer.... eins og ég sagði við mömmu í dag að ég væri kannski ekki lengur alveg eins og kjötbolla... þá botnaði hún setninguna og vildi meina að núna væri ég þá kannski frekar eins og fiskibolla bara.... hehe

Berglind lifir enn - það er góðs viti og ekki flutt út ennþá....
Elva Kristín er í úgglöndum og tók okkur ekki með...
Þórey er að vinna rassinn sinn af með vinnu og hlaupum í Kópó....
Jóhanna býr til ál í álverinu....
Nanna er flutt á eyrina....
Hjödda Páls er í ferðalagi með gamla sínum á húsbíl, ekki amalegt....
Herdís er að fara á bíladaga og er nýtrúlofuð....
Og ég.... ekkert um mig að segja....

Það er búið að vera nóg um að vera í skemmtanalífinu hjá okkur frúnum upp á síðkastið og ég er ekki frá því að það hafi bara uppskorið eitthvað skemmtilegt... segi ekki meira en það!

Ég er búin að vinna hjá ÍTR núna í dálítinn tíma og líkar bara vel við það! Ég tók laugarvarðarprófið um daginn og stóðst það með prýði! Svo er ég núna í fríi í vinnunni og það er tveggja tíma Boot Camp æfing í fyrramálið sem ég þarf að fara á....

Dagurinn í dag var sannkallaður íþróttadagur, hann byrjaði á því að ég fór 5 km hring á línuskautunum hennar Beggu, svo fór ég í fótbolta við sjálfa mig og endaði svo á klukkutíma Boot Camp æfingu!

Á morgun ætlum við frúrnar svo að kíkja í bæinn og fá okkur í glas, ætlum líka að grilla og læti!!! Efast ekki um að það verði ekki stuð!

Nokkrar myndir til að brydda aðeins uppá þetta:



Tjellingarbeiglan að geifla sig....


Hvað þá þarna...


Þarna er fólkið sem mér þykir einna vænst um - þau eru mér lífið væmni.is - en mér er fokk sama um það!



Þetta er frú Malen Guðný Magnadóttir!  Hún er svo yndisleg þetta barn!!



Karítas og ég... í hellinum góða á Vopnó!


Snúllurnar mínar - erum við ekki krúttlegar?




Svo eru þessar líka náttla bara snillingar!!! Takk fyrir að vera til


Nú er komið nóg af væmni og vitleysu,
endilega látið vita hvernig ykkur líkar þetta allt saman!!

Kv, Amin.

Já krakkar mínir..... nú er 1. árið búið.... en eitt vandamál...... Einkunnirnar eiga eftir að koma í hús... kannski er ég fallin í öllu, en ég efast það.... kannski næ ég öllu.... vona það.....

Mér líður eins og ég sé fugl.... ég er nú frjáls ferða minna og get farið hvert sem er.... án þess að hafa samviskubit yfir því að vera ekki að læra.... ég er hvorki að fara að læra í kvöld NÉ á morgun... váááá.... það er skrítin tilfinning.... en allavega er maður búinn að leggja hart að sér og ég á bara skilið að fá smá frí... alveg kominn tími á það!

Svo er ég að fara í leikhús á sunnudaginn, með Þrása mínum og Hjálmari mínum! Ætlum að fara á Gosa... pínu kaldhæðni í því fyrir þá sem þekkja málið, en ég held að það verði sko bara gaman! haha!!!! 

Ég fór til Vopna síðustu helgi og það var alveg rosalega notalegt..... mmmmm alltaf gott að komast heim..! En þar var afskaplega rólegt.... bara hangið með famelíunni og Guðbjörgu og Elvu og farið 1x í sund og 1x í fermingu... annars bara bara étið og staðið á blístri (maður er sóssum ekki óvanur því reyndar) hehehe...!

En ég er loksins farin að hreyfa á mér rassgatið aftur... ætla ekki að nefna það hvað ég er búin að bæta á mig mörgum grömmum síðan maður flutti af austurlandinu.... annars skiptir það sóssum ekki öllu máli - þyngdin... hún hefur alltaf verið afstæð fyrir mér.... en ég hef alltaf sagt að það er betra að hafa smá hold heldur en hor.... flestar rannsóknir benda til þess að fólk sem er rétt yfir kjörþyngd líði almennt betur heldur en þeir sem eru undir kjörþyngd.... og ég held að ég sé ágætt dæmi..... mér líður æðislega - gæti varla haft það betra!!

En margt gott hefur drifið á mína daga síðustu mánuði.... en svo hafa líka komið upp tilfelli í mínu lífi núna fyrir skömmu sem var ekki eins skemmtilegt.... alltaf leiðinlegt þegar fjölskyldumeðlimir eru búnir að vera mikið lasnir.... ég finn svo til með þeim....

En Magni bróðir er að koma í bæinn og er að fara á EGÓ.... veit ekki hvort að ég skelli mér með.... sjáum til....

Svo erum við gellurnar náttla að fara á djammið þessa helgi - það er ekki að spyrja að því... það er fastur liður á þessum bænum - og það væri náttla bara heimska að gera ekki neitt loksins þegar skólinn er búinn :-)

Svo tekur vinnan við á mánudaginn - þá byrja ég í tökum fyrir Bay-watch! Eða bara verð að vinna í Breiðholtslaug..... það verður stööööööð!

En nú er best að hætta, ég og frúrnar mínar - Berglind og Þórey - ætlum að fagna þessum degi með því að fá okkur ís í bestu búllunni í bænum..... Best að hætta að berbossast og drífa sig í föt - Berglind er farin að reka á eftir mér

Vona að einhver nenni að lesa þetta ttttttjaftæði!
Elva - 1/6 sálfræðingur!

Já halló  -  hef ekki tíma til að skrifa hérna inn en ég ætla samt að gera það.....

Sambúðin í Breiðholtinu gengur eins og í lítilli hryllingssögu....... við spillum hvor annarri hægri vinstri og vitum varla lengur hvað snýr upp og hvað niður.... en nú er ég bara að bulla....... okkur kemur bara mjög vel saman - mér og frúnni - eða allavega frá minni hálfu séð... held að ég sé ekkert að gera útaf við litla lambið mitt - því þá væri hún farin.....

En ok - skólinn er búinn þessa önnina en nú eru prófin bara á næsta leiti og ég þarf að læra vel og standa mig... held að það eigi alveg að geta gengið......

EN AÐ MÁLUM MÁLANNA:
ÉG FÓR Á ÍSHOKKÝ ÆFINGU Í GÆR OG GUÐ MINN GÓÐUR...... SHITT HVAÐ ÞETTA ER MIKIL ÍÞRÓTT FYRIR MIG.... ÉG FÍLAÐI MIG Í GJÖRSAMLEGA BOOOOTN OG STÓÐ MIG BARA MEÐ PRÝÐI, SKORAÐI NOKKUR MÖRK Í LEIKJUNUM SEM ÉG SPILAÐI

Vert er að taka fram að Íslensku stelpurnar eru heimsmeistarar í Hokký og urðu það bara fyrir nokkrum vikum - ekki slæmt að vera að æfa með heimsmeisturum!!!! Ég ætla semsagt að byrja að æfa með Birninum og þær hafa aðstöðu í Egilshöll - allar stelpur sem hafa áhuga á að prufa þessa gjjjjeðveiku íþrótt eru velkomnar með mér - bara láta vita - en um er að ræða mikinn svita - og strengi..... en þeir eru þess virði!!

Nú er ég hætt í bili -
Elva Hokký-kjella!

Halló.... held það sé kominn aðeins tími á að ég láti vita af mér.... kannski er öllum sama, en ég fann smá tíma-glufu núna aflögu til að rita nokkrar línur...

Mikið - þá meina ég - MIKIÐ - búið að vera að gera í skólanum síðustu 2 vikur. búin að fara í próf, skila nokkrum skýrslum og allt hitt sem á að gera vikulega....

Ég er flutt í Breiðholtið og líkar það bara mjög vel.... Begga er svo ljúf og góð þessi elska....
Erum búnar að koma okkur fyrir - allir velkomnir að kíkja í bæinn...

Skemmtanalífið er búið að vera öflugt síðustu vikur og nóg að gera í þeim efnum...

Pabbi er búinn í hjartaaðgerð og stóð sig eins og hetja - fórum á útskriftarfund í gær en eftir fundinn leið yfir hann (þegar ég var hjá honum) og það var frekar óþægileg tilfinning verð ég að segja - að horfa á pabba sinn veikann og falla í yfirlið.... nötraði og skalf á beinunum á meðan á þessu stóð en hann rankaði við sér stuttu seinna og þá virtist allt í góðu með hann og rannsóknir sem gerðar hafa verið á honum benda til þess að þetta hafi bara verið tilfallandi atvik - ekkert haft með hjartað að gera...
Mömmu heilsast líka vel eftir sína hjartaþræðingu...
Eins gott að maður láti fylgjast með sér þegar báðir foreldrar manns eru að kljást við svona kvilla....


Fór í Bláfjöll um síðustu helgi á snjóbretti - það var alveg geggjað.... þá meina ég geggjað! Veðrið hefði ekki getað verið betra og Jóhanna sá um að kenna mér tæknina á brettið og ég held að ég hafi verið bara alveg ágætisnemandi.....

Nú eru páskarnir að renna í garð og við, ég, mamma og pabbi, ætlum að eyða páskunum hérna í Reykjavík vegna pabba.. ég ætla bara að skjótast heim einhverja helgina til að knúsa litlu frændsystkin mín.... Anja uppáhaldið mitt ætlar líka að koma og vera hjá okkur...

Svo er bara málið að læra og vinna... ég er að vinna í MMR sem er markaðs- og miðlarannsóknir... það er mjög skemmtilegt að vinna þar....

Heyri í ykkur síðar....
Endilega kommentið ef þið hafið eitthvað að segja!

Elva - pabbastelpa!

Þetta er miklu betri litur.... Hitt var eitthvað svo depressive.... ekki sammála?

En hvernig fæ ég teljarann til að virka aftur?

Kv, Elva...